Saturday 28 January 2012

एना रे बिल्टू कतेक दिन रहबें

                  एना रे बिल्टू कतेक दिन रहबें
(गीत)


करजेमे  जीबें   आ  करजेमे   मरबें ।
एना  रे  बिल्टू   कतेक  दिन  रहबें ?

तोरे  पसेना सँ  हरियर  ई  भारत
ई रॉकेट्ई प्लेनई ऊँचका इमारत
तों नारे - पुआर पर कतेक दिन सुतबें ?
एना  रे  बिल्टू   कतेक  दिन  रहबें ?


तोरा लेएखनो ने लोटा ने थारी
ओम्हर घोटालामहलहावागाड़ी
दोस आर दुश्मन केँ कहिया तोँ चिन्ह्बें ?
एना  रे  बिल्टू   कतेक  दिन  रहबें ?


दू  हाथ  अनको छै,  दू हाथ तोरो
कटलें अन्हार राति देख अपन भोरो
बाट कोनो गांधीक  कतेक दिन तकबें ?
एना  रे  बिल्टू   कतेक  दिन  रहबें ?



टुइट जेतै बन्हन तों जोर कदेखही
भेटि जेतौ संगी  तों सोर कदेखही
हुकुर - हुकुर जिनगी कतेक दिन कटबें ?
एना  रे  बिल्टू   कतेक  दिन  रहबें ?



सूतल अछि लोक तों सभ कें जगबिहें
कांट-कुश झारि-झारि रस्ता बनबिहें
कनलें  कतेक दिन,  कहिया तों हंसबें ?
एना  रे  बिल्टू   कतेक  दिन  रहबें ?






       (  प्रकाशित : मैथिली पत्रिका देशज २००१ )


No comments:

Post a Comment