Thursday 2 February 2012

देखि तोरा लगैए

                                       
देखि तोरा लगैए





देखि      तोरा      लगैए       तहिना      जेना
चान नभ सँ भूतल पर उतरि आएल हो |
दिने मे    हो     पसरल      श्यामल     घटा
जैमे      आभा      तरेगनक  छिड़ियैल  हो ||



                                                        दए  रहल  अछि ,  मूक  निमंत्रण  जेना
                                                        लाज सँ सकपकायलि पियासलि नयन |
                                                        बुझि पड़इए जेना     स्नेह केर बाढ़ि मे
                                                        कपोलक दू सरोबर,  उमड़ि आएल हो ||

|

मधु  बोरल  अधर,   अछि  छिड़िया रहल
दाड़िम  केर     दाना  सनक  तोर  दसन |
बुझि  पड़इए   जेना      साओन  मास मे
कतौ अम्बर मे बिजुरी छिटकि आएल हो ||



                                                      पुलकित   उठइए एतय   सब   डगर
                                                      तोर  साँसक चलय  मलयानिल  जतय |
                                                      बुझि   पड़इए   जेना     चंदन – वन  सँ
                                                      कस्तूरी  वला  मृग  भटकि  आएल हो ||




( १९७८ मे प्रकाशित गीत संग्रह 'तोरा अंगना मे' क गीत सं.५ )
संगहि “गीतक फुलवारी” फुलवारी मे सेहो प्रकाशित ।


No comments:

Post a Comment