जै खातिर मारामारी अछि

जै खातिर मारामारी अछि

जै   खातिर    मारामारी   अछि,

भात – दालि – तरकारी    अछि ।

छात्र     गरीबक    धिया – पुता,

विद्यालय    सरकारी      अछि ।
ई   जे   उल्लू  देखि  रहल  छी,
लक्ष्मी   मैयाक  सबारी   अछि ।
सदाचार   केर   शिक्षा   सबठाँ,
सबठाँ     चोरबजारी    अछि ।
भोज    करत   रसगुल्ला   केर,
बड़का   ई   भ्रष्टाचारी    अछि ।
घूस,    दहेजक   चस्का   बूझू,
छूआछूतक    बीमारी    अछि ।
देश   द्रौपदी,  हम  भीष्म  छी,
हमरहुँ    ई   लाचारी   अछि ।

“विदेह” पाक्षिक इ पत्रिका वर्ष ५, मास ५०, अंक १०० मे छपल ।