भाइ, आइ थिक छब्बीस जनवरी

भाइ, आइ थिक छब्बीस जनवरी

(गीत)

कह ! जय गांधी,  जय जयप्रकाश,
जय जय सुभाष जय भगत सिंह ।
ओ  नै  रहला,  लेकिन  अछिए,
सब  कर्म - बीर केर चरण-चिन्ह ।।

                                      जिनका बल पर खूजि सकल छल
                                      सबहक हाथक हथकड़ी ।
                                      भाइ, आइ थिक छब्बीस जनवरी ।।


आजुक  दिन  लए जान  देने छथि,
रत्न      कतेको      भारतवर्षक ।
आजुक  दिनमे सजल - धजल अछि,
स्वप्न    कतेको     भारतवर्षक ।।

                                      बहुत गमौला पर इ भेटल
                                      से धरि कहियो नै बिसरी ।
                                      भाइ, आइ थिक छब्बीस जनवरी ।।


देशक  खातिर,  माटिक  खातिर,
कऽ दी हम तन-मन-धन अर्पण ।
जन्मभूमि  केर  बलिदानी  केर,
पूर  हेतनि  सब सपना तैखन ।।

                                    तील-कुश-गंगाजल लऽ कऽ
                                    चलू यैह संकल्प करी ।
                                    भाइ, आइ थिक छब्बीस जनवरी ।।